اشارة رابعه
..........................
فى الثانيه مساءا
اوقف سيارتى وامرنى بالترجل وقام بتفتيش السياره بشكل متعسف ....فوجد ورقه عليها اشارة رابعه وكانت بالسياره تحت المقعد وتهللت اساريره وكأنه وجد طن من الحشيش ...ثم امرنى بفتح شنطة السياره وكانت الطامه الكبرى انه وجد عصاه مجرد عصاه لا ترتقى لشومه ...
فامسك بأشارة رابعه ثم بالعصاه الموجود فى سيارتى منذ سنوات وقال ....اهلا اهلا ...انا سهران عليك النهارده حيث كانت الساعه الثانيه صباحا "لا يوجد حظر تجول بمحافظتى"
وبدأت الاشئله ....لاى شعبه من الاخوان تنتمى ؟
لا انتمى لاى شعبه حضرتك
هو : عامة احنا متعودين منكم الكذب
ثم فتح علبة السجائر واخذ يعبث بها
انا : لا تقلق فانا لا اتعاطى الحشيش
هو : انا اعلم ان الاخوان لا يدخنون ولا انت اخوانى مدخن
انا : صمت بأبتسامه باهته
هو : من اين اتيت بأشارة رابعه ؟
انا : قذفها احدهم فى سيارتى اثناء وجودى بالقاهره ثم نسيت امرها
هو : وما شأن هذه الشومه ؟
انا : هذه ليست شومه هى عصاه
هو : ماذا تفعل بها
انا مبتسما : اهش بها على غنمى وليها فيها مآرب اخرى !!
هو : انت هتستظرف !
انا : لا مش بستظرف فالبفعل لها فوائد فى حالة غرز السياره يمكننى استخدامها لازاحة الرمال ومع الانفلات الامنى فربما تكون ذات فائده وعامة صدق او لا تصدق لم يأتى على بالى ان هناك عصاه فى شنطة سيارتى بالاساس
هو : طيب اركنى على جنب لحد ما نشوف حكايتك ايه
بعد حوالى نصف ساعه
اين بطاقتك ؟
انا : ما رخصتى ورخصة العريبه معاك
هو : بطل لماضه واطلع بالبطاقه
هو : ايه طيب ما انت خريج حامعه اهوه
انا : متخدش فى بالك خريج الجامعه والحاصل على الثانويه العامه او حتى اعداديه فى مصر ميفرقوش كتير عن بعض فى مستواهم الثقافى او العلمى ..
هو : بطاقتك مكتوب فيها حاصل على ...انت مش بتشتغل ؟ عاطل يعنى ؟
انا : لا... انا اعمل بعمل حكومى كمهندس حفريات وبجانبه اقوم بتدريب الغوص احيانا بوصفى مدرب غوص !!
مدرب ايه ....مدرب رقص ....لا يا فندم ....مدرب غوص - غطس - دايفنج يعنى
هو : بص ياض انت شكلك مريب وكمان مستفز !!
انا : ما بلاش ياض دى عشان افضل اقولك يا باشا
هو : غصب عنك وعن اهلك انا باشا وانت كبيرك ان تكون ياض وكلمه زياده هخش على امك كمان !!
انا : طيب انا هستحمل كلمة ياض بس حذارى من موضوع الام دا لانك قدام واحد يائس ومعندوش حاجه يخسرها فممكن تشوف شغلك واحنا بنحترم بعض من فضلك يعنى
هو :فين ياض كارنيه شغل الحكومه ؟
انا : اتفصل
اه صحيح مع انى كان نفسى تطلع كذاب عشان اتسلى عليك النهارده
انا : سلاما سلاما
هو : تقصد ايه
انا : لا مفيش حاجه ....تؤمر بحاجه تانيه ؟
هو : لا بس خليك معانا شويه كدا ...اركن على جنب
انا : ليه ؟
اهو كدا وخلاص ؟
انا : ازاى يعنى كدا وخلاص
هو :عاوز اسباب عشان تخليك معانا يعنى ؟ طيب حاضر ....يا امين يا امين اكتب مذكره للجدع دا بحمل اشاره ممنوع تداولها واثارة الشغب وحمل اسلحه والقياده بدون رخصه ....
انا : سلاح ايه بس والبعدين الرخصه مع سغادتك : لا لا انا مخدتش منك رخص اساسا واثبت لو تقدر ثم تبعها بضحكه شريره !!
يا امين فتش الواد تفتيش ذاتى .....الامين : تمام تمام حالا يا باشا
با باشا معاه دول....وبيده 300 جنيه وموبايل ومخفظه وتابلت وشريط برشام ميناليكس
الظابط : افتح التابلت دا ياض
انا : دا بايظ سعادتك ومحتاج شاشه ولسه عاوز اوديه التوكيل وبدأ يقلب فى الموبايل و المحفظه.....وايه دا ياض ترامادول دا ياض ....
انا : اقرأ يا باشا اسم البرشام دا ملين عشان الامساك !!
هو : يخرج الكارنيهات من المحفظه طيب ما انت معاك فيزا اهوه !
انا : اه اىه المشكله ما كل الناس معاه قيزا او ATM
هو : التمويل بيوصلك على الحساب دا يلا
يا باشا مقولتلك بلاش يلا دى ...عيب دا انا اكبر منك ييجى بعشر سنين و البعدين تمويل ايه اللى بتتكلم عليه ؟
التمويل بتاع تخريب البلد انت واخوانك الارهابيين
انا مبتسما : الفيزا سعادتك فيها 1200 جنيه ....انت ناسى اننا من اول 2011 مبنشتغلش وعايشين ببركة ربنا ولو تحب البنك قدامك اهوه روح شيك على الرصيد ؟
هو : ممسك بيده بأحد الكارنيهات الاخرى الخاصه بيه كارنيه "الضبطيه القضائيه" ثم نظر الى وقال ايه ايه دا ؟ ايه دا ؟ طيب مش تقول من الاول ....ما انت باشا زينا
اهو ....كانت بالنسبه ليه دى احقر كلمه قالها وعشان ابو 50 % قدراته العقليه محدوده فمقلبش الكارنيه وعرف ان ضبطيتى القضائيه هى فقط محدوده داخل نطاق عملى بوزراة الدوله لشئون الاثار ...
بس كله عند ابو 50 % صابون ....!!
تغيرت معاملته 180 درجه وقالى ..اسفين يا باشا ...اتقضل اتفضل بسلامه الله !!
بس قولى هو انت من يتوع مرسى الارهابى ولا القائد السيسى ؟
انا : بص ان هكون منافق لدقيقه واقولك انا تبع السيسى عشان بس تعبان وعاورز اروح .....
هو : مش فاهم تقصد ايه
انا : احسن بردوا ....سلام يا عم النقيب واتمنى مشفش حضرتك تانى وعلى فكره مرسى ممكن ميرجعش ومرسى مسجون وبالرغم من كدا انتم لسه مرعوبين منه ....وبصراحه مش عارف مين منكم الحر ومين منكم المسجون ....
وعدت الى المنزل فى الثالثه والنصف صباحا .....وفى خلقى غُصه وانا اتذكر كم كنت اشعر بالامان فى السنه الوحيده التى تولاها الرجل الطيب مرسى وكم كنت اشعر بالانتماء لوطن كان يمثله مرسى وافقده الآن رويدا رويدا حتى اصبح يتلاشى تماما يوما بعد اليوم ....شىء محزن وقاسى جدا على نفسى شعور كهذا....
اشهد الله انك كنت بنا رحيم وعلينا امين يا سيادة الرئيس محمد محمد مرسى عيسى العياط ......فك الله اسرك ايها الرجل الطيب
https://www.facebook.com/ahmed.zayed.374
ansarportsaid
0 التعليقات:
إرسال تعليق
ضع تعليق